Yekaterinburqda Novruz bayramına həsr olunmuş bayram tədbiri keçirilib

24.03.2025 - Yekaterinburq şəhərinin “Atrium Palace” mehmanxanasında Azərbaycan, Qazaxıstan, Qırğızıstan, Tacikistan və Özbəkistanın Baş konsulluqlarının birgə təşkilatçılığı ilə Novruz bayramına həsr olunmuş bayram tədbiri keçirilib.

Tədbirdə Sverdlovsk vilayəti hökumətinin, RF XİN-nin Yekaterinburqdakı nümayəndəliyinin, diplomatik korpusun, Azərbaycan və digər xalqların diaspor nümayəndələri, eləcə də regionun ictimai xadimləri iştirak ediblər.

Tədbirin rəsmi hissəsində çıxış edən Azərbaycan Respublikasının Baş konsulluğunun vitse-konsulu Şeyda Sadıqova, Qazaxıstanın baş konsulu Jaras Mamutbekov, Qırğızıstanın baş konsulu Maksat Tentimişov, Özbəkistanın baş konsulu Jahangir Parmanov və Tacikstanın konsulu Zəfər Sahibov, habelə Sverdlovsk vilayətinin beynəlxalq və xarici iqtisadi əlaqələr naziri V.Y.Yarin, RF XİN-nin Yekaterinburqdakı nümayəndəliyinin rəhbərinin müavini Aleksandr İvanov və Sverdlovsk vilayətinin Qanunvericilik Məclisinin parlamentlərarası əlaqələr komissiyasının sədri V.M. Veqner  Novruz bayramının region xalqlarının həyatındakı əhəmiyyətindən, habelə Novruz ənənələrindən bəhs ediblər.

Novruz şənliyinin mədəni hissəsində qonaqlara ev sahibi ölkələrin milli musiqi və rəqs nömrələri, o cümlədən iştirakçı ölkələrin hər birinə xas olan milli mətbəxlərin müxtəlif taamları təqdim olunub.